DAGUPAN CITY– Akatarya la so provincial government na Pangasinan ed say bagyon Rosita kasumpalan na ginawan inpanpasakbay na PAG-ASA ed say isabi na bagyo diad Northern Luzon.
Onong ed kinen Pangasinan gov. Amado Espino III, ingangan to la so Local Disaster Risk Reduction and Management Council o LDRMMC ya nawalaan na emergency response preparedness plan ed say posiblen epekto na maksil ya dagem tan storm surge ed saray dayat.
Ingangan met na gobernador ya itarya so evacuation center para ed saray pre emptive o force evacuation no nakaokolan.
Intawag imano met na gobernador ya unaen ya nengnengen so kipapasen na saray matatakken, ogaw, malokon tan saray walay diprensya ed laman ya say abong da so gawad saray light material.
Sinebelan met la iray managsigay ya unlad dayat.
Imporek nen Espino ya nakaokolan ya mantarya so amin ed bagyo pian arawi rad peligro.
