Nilinaw na Provincial Agriculture office ya aliwan overstock no ag say over production so supply na sibuyas natan diad interon bansa.
Diad eksklusibon impituyaw na Bombo Radyo Dagupan ws kinen Nestor Batalla, Assistant Provincial Agriculturist na luyag base ed report na Department of Agriculture, dakel so nan-harvest ya onion growers diad interon Pilipinas kanyan dakel so suplay tonya diad merkado.
Inmarum ni dia so supply na aray imported ya supply tonya manlapud arum ya bansa.
Say marakep tonya, mura so saliwan tonya diad tindaan bangbalet kaskasyan iray onion growers.
Aaralen metla no nalugi dia ray managtanem na sibuyas lapud saya.
Diad biek tonya, impalapag nen Batalla ya naitdan la na tulong iray managtanem na sibuyas diad luyag diad panamegley na impangiter ed sikara na waterpump tan abono lautla diad saray lugar ya naapektuan na pamemeste na harabas.
