DAGUPAN CITY-Patuloy ya pantataryaan na Provincial Agriculture Office so posiblen epekto na El Niño Phenomenon diad luyag na Pangasinan.
Diad exclusive interview na Bombo Radyo Dagupan, impalapag nen Nestor Batalla, Officer-in-Charge (OIC) na Provincial Agriculture Office, ginapuan dalan pantaryaan so posiblen epekto tonya diad panamegley na pangiter na usaren da tan say panbangat ed saray dumaralos na pangusar da na arum ya bini ya nayarin itanem da ya agga mankakaokolan na dakel ya danum.
No nanonotan diad tantya na Department of Science and Technology – Philippine Atmospheric, Geophysical and Astronomical Services Administration (DOST-PAGASA), say El Niño so nalikna ed sayay bolan na Marso tan unbayag angga ed bolan na Mayo.
Kaleganan tonya, impasiguro nen Batalla, ya aliwa labat lan El Niño Phenomenon so babantayan da ta say isyu nilira ed climate change so akagetar dan pantongtongan kaiba ray dumaralos diad probinsya kabansag na nagagawan Trade Fair natan diad baley na Sta. Barbara.
