BOMBO DAGUPAN – Sa ikaapat na magkakasunod na linggo, ay muling magtataas ang presyo ng mga produktong petrolyo.
Batay sa magkahiwalay na advisories, sinabi ng Chevron Philippines Inc. (Caltex), Seaoil Philippines Corp. at Shell Pilipinas Corp. na magtataas sila ng presyo kada litro ng gasolina ng P1.60, diesel ng P0.65, at kerosene ng P0.60.
Ipapatupad ng Cleanfuel ang parehong mga pagbabago, hindi kasama ang kerosene na hindi nito dala.
Kung saan magkakabisa ang mga pagsasaayos bukas ng alas 6 ng umaga Hulyo 9, para sa lahat ng mga kumpanya maliban sa Cleanfuel, na mag-a-adjust ng mga presyo sa oras na 4:01 p.m. sa parehong araw.
Samantala, ang ibang mga kumpanya ay hindi pa nakakagawa ng mga katulad na anunsyo.
Ang pinakahuling mga anunsyo ay naaayon sa mga projection na ginawa ng Department of Energy (DOE) Oil Industry Management Bureau (OIMB), na binabanggit ang geopolitical tensions sa Middle East, hindi inaasahang malalaking withdrawal sa United States, at mga optimistikong pagtataya para sa demand ng gasolina sa tag-init.
