Dagupan City – Aka-arap natan ed kaso so apatiran Pulis, sakey sundalo tan limaran opisyal na lokal na gobyerno lapod online Illegal cockfighting. narel iraya ed akto ed sakey ya restauran ed Baliwag Bulacan diad panamegley na puersa na kapulisan tan NBI. kinabat so saray ineerel ya si P01 Jestoni Fuentebella, akabase ed Provincial Mobile Force Company, P01 Jeffrey Mteo, akabase ed Angat Municipal Police station, Po1 Emmanuel Leonardo, a-dismiss nen 2011 tan Po3 Nolasco Bernardo Juan, adestino ed Police Regional Office (PRO) 3 ed Camp Olivas Pampanga. kaleganan ya say narel met ya sundalo et si PFC Enrique Quinaquin Jr. aktibon kabiangan na Philippine Army.
Limara met ya empleyado na lokal ya gobyerno so kaiban inerel bangbalet ta agni nginaranan lapod kaplesan ne ran iimbistigaan. akabatan ya 139 nen sibilyan so inaresto tan kaplesan ya iimbistigaan lapod pikabiangan da ed illegal online gambling.
Ingkasa na kapulisan so operasyon kasumpalan dan maka-awat na impormasyon ed malaknaban ya online gambling ed abitlan restauran.
