DAGUPAN CITY-Kinompirma na Bureau of Fire Protection o BFP Dagupan ya walay anengneng ya iregularidad ed say linya na kuryente ed pigaran public schools diad ciudad na Dagupan.
Onong ed kinen Fire Chief Inspector Georgian Pascua City Fire Marshal , nangawa ra na inspeksyon tan diman da anengneng so problema ed electrical wiring installation no iner pinansusuldungan iray linya na kuryente.
Inkuwanton , masyadong delikado para ed saray manaaral so makapoy ya wiring installation ta nayarin panlapuan iya na pool.
--Ads--
Lapud saya, nanpaalala so BFP diad DepEd tan amin ya eskuwelan diad ciudad na Dagupan ya siguruen dan maayos so electrical wiring system antes iran manlukas na klase ed sayay bulan na Hunyo.
