Dagupan City– Kekerewen na pigaran pari diad ciudad na syudad na Dagupan ed kinen presidente Rodrigo Duterte ya tundaan la so panbebesngaw na saray ansasakit ya salita laban ed simbaan na Katoliko.
Diad impituyaw na Bombo Radyo Dagupaned kinen Father Oscar Roque, Attached Priest na St. John Cathedral diad ciudad , inkuwanton panaon la piyan tundaan na presidente so panbatikos, panderal tan pankuwestyon ed say pananisia na saray Katoliko.
Inkuwanton, imbes ya mangibaga na mauges laban ed simbaan, o diad Diyos, mas marakep no say imanuen to saray manunaan ya problema diad bansa.
Pigaran alimbawa dia so bilyones ya nagagastos na say opisina da ya singa kukuwestyunen na totoo,
say bilyones ya kantidad na shabi diad pigaran opisina na gobyerno tan say patuloy ya naliliknan irap daray Pilipino.
Manilalo met so abitlan pari ya untunda la so pan-iinsulto diad simbaan tan manpokus so presidente ed say panresolba ed saray probleman pan-ekonomiya.
