DAGUPAN CITY– Manpepeligron panmultaen na Commission on Elections o Comelec Dagupan so pigaran tinmagam ya kandidato ed apalabas ya eleksyon diad ciudad.
Saya et kasumpalan ya akompirma ya pigara ed sikara so agga akaiter ed opisina da na Statement of Contributions and Electoral Expenditures o SOCE.
Diad impituyaw na Bombo Radyo Dagupan ed kinen Ericson Oganiza City Election Officer na Dagupan, inamin tonya ya agda akompleto so listaan na saray kandidaton nepeg ya mansumiti na say gastos da o campaign expenses diad loob na panaon na say impankampanya da.
Saya so kabaliktaran na iilaluan da ya diad 100% so kapalduwa ed saya so nan comply ed tawag imanon sikaray mangideklara na say SOCE.
Lapud saya, aaralen la na COMELEC no pakseban na multa iray asalitan kandidato ya agga angiter na SOCE.
