BOMBO DAGUPAN- Napagtagumpayan ni Filipino Boxer Nesthy Petecio na makapasok sa quarterfinals ng Women’s Boxing 57kg division sa Paris Olympics 2024 matapos nitong talunin si French Boxer Amina Zidani sa Round 16 sa pamamagitan ng unanimous decision.
Hindi muna nagpakita ng pagiging agresibo si Petecio sa Round 1 at naging maingat ito. Subalit, pagdating sa Round 2 ay nagsimula nang mag-init ang atleta, gayundin sa huling round kung saan nagpaulan na ito ng mga sutok kay Zidani.
Natapos ang kanilang laban sa 4-1 kalamangan ni Petecio. Nakakuha ito ng kabuoang score card na 27-30, 29-28, 28-29, 28-29, 28-29.
Aminado naman ang atleta na nahirapan ito sa pagtatapat nila ni Zidani, gayunpaman, nagpapasalamat ito sa mga nanood at sumuporta sa kaniya.
