Dagupan City – Patuloy na isinasagawa ng Provincial Employment and Services Office (PESO) ang kanilang regular na job fair bilang tugon sa lumalaking pangangailangan sa trabaho sa iba’t ibang bahagi ng lalawigan.
Layunin nitong mabigyan ng pagkakataon ang mga job seekers na makahanap ng maayos na hanapbuhay, lalo na ang mga bagong graduate, displaced workers, at yaong nais magkaroon ng mas maayos na kita.
Ang job fair ay nagiging daan upang magsama-sama ang mga aplikante at iba’t ibang kumpanya—lokal man o dayuhan—na may bukas na trabaho.
Sa ganitong paraan, hindi na kinakailangang bumiyahe pa sa malalayong lugar ang mga naghahanap ng trabaho upang makipagsapalaran.
Bukod sa oportunidad sa trabaho, may mga ahensya rin sa gobyerno na nagbibigay ng tulong gaya ng skills training, career coaching, at pre-employment assistance.
Layon nito na mas maging handa ang mga aplikante at mapataas ang kanilang tsansang matanggap sa trabaho.
Pinupuntirya ng PESO na mapalawak pa ang saklaw ng kanilang serbisyo upang mas maraming mamamayan ang makinabang, kasabay ng patuloy na pakikipag-ugnayan sa mga kumpanya at recruitment agencies.
