DAGUPAN CITY– Unkekerew na hustisya so pamilya na sakey ya pasyente ya inatey lapud ibabagan inpanpaulyan kono na sakey ya ospital diad baley na Bayambang, luyag na Pangasinan.
Tetetelen na ina nen Henry Abalos so impatey tonya lapud inpanpaulyan na Bayambang District Hospital .
Onong ed say istorya na ina to, biglan nanlinget na ambete-betel so anak to kayarin tinurukan na tambal diad abitlan ospital.
Onong balet ed say attending physician ya si Dr. Elizabeth Bautista, active pulmonary TB patient si Henry tan antacid so ininject ed sikato pian naneutralized so acid ed eges to tan ibabagan inatey iya lapud sakit ton TB.
Kaleganan tonya, lapud reaksyon na say pamilya to kanyan mangaway imbestigasyon so Provincial Health Office ed agawan insidente.
