DAGUPAN CITY – Inatey so sakey ya papanisdiaan ya notoryus ya drug pusher legan ya naaresto so apatiran arum nira diad ginawan drug bust operation diad Guiguinto, Bulacan.
Tampol ya inatey so suspek ya si Armando ‘Okso’ Santiago Jr. 51 legan ya arestado so kaiba ton si Janeth Alzate, 22, parehon residente na Northville 5 Brgy. Batia diad baley na Bocaue.
Naaresto met diad operasyon iray suspek ya sikara di Reynaldo Miñoza, 48, Christopher John Austria, 32 tan Ariel Bernando, 35, parehon residente na Brgy. Tuktukan diad baley na Guiguinto tan kabiangan ed BADAC drug watchlist ed abitlan lugar kasumpalan ya akumpirman responsable iraya diad panlalako na droga ed pigaran drayber.
Diad nalan impormasyon na Bomboradyo Dagupan akitongtong so poseur buyer ya pulis ed say suspek ya si Santiago tan say kaiba tonya kasumpalan ya akumpirman tuloy tuloy nin manlalako ira na shabu diad lugar da.
Legan ya iyaabot nen Santiago so shabu diad poseur buyer ya pulis akahalata ya pulis so katransaksyon to kanyan sikatoy batik diad loob na abong tan pinaltog iray pupulis balet alisto iray pulis ya nanpaputok met ya nanresulta na impatey na suspect kaleganan ya boluntaryon simuko iray kakaiba to.
