DAGUPAN CITY– “Alarming” so pangipapasenan na Department of Education no wala ed saray grade school pupil so manuusar na iligal ya droga.
Saya et koneksyon ed inanunsyo nen Philippine Drug Enforcement Agency (PDEA) Director General Aaron Aquino ya labay dan ipasilong ed mandatory drug testing iray estudyante manlapud Grade 4 patagey.
Diad eksklusibon impituyaw na Bombo Radyo Dagupan ed kinen DepEd Regional Director Dr. Alma Ruby Torio, impalapag ton makapa-alarma no man-uusar o positibo ed iligal ya droga iray manaaral diad grade school ya manedad ni labat na samploy taon.
Diad kaplesan, ginapuan la na DepEd so pangaala na test diad saray 14,000 high school students ed interon bansa.
Anggaman pigaran grupo so unkokontra, kabiangan so CHR, siniguro na PDEA ya mansansian sensitibo so amin ya impormasyon ya nanaala da manlapud abitlan proponi.
