DAGUPAN CITY-Pakitang-tao labat so pan anunsyo ya pansuspindi na gobyerno ed kumaduwan tranche na excise tax diad saray oil products.
Saya so impalapag diad Bombo Radyo Dagupan nen Alliance of Concerned Transport Organization o ACTO President Efren de Luna.
Inkunwaton pakitang-tao so sayan ginawa na presidente ta malinlinew ya aliwa so proseso na pangiter na tulong na gobyerno ed saray jeepney drivers tan operators.
Aliwa met ya amin so makala na Fuel cards lapud agga direktan nanaeter ed saray dribers so abitlan subsidiya no ingen diad saray operator so pangiiteran da.
Inkuwanton no matak-ken la so operator, agto naanusan so unpila na andukoy piyan iyalaan to na fuel cards so drivers to ta ag met dia minabang.
Kinerew to ed saray miyembro na Alliance of United Transport Organization provincewide o AUTOPRO diad luyag ya mikasakey ya ilaban so anapan daranya ta kaslakan ya dakel ya operators so anggapoy pakayarin makasaliw na unit ng jeep para ed jeepney modernization na gobyerno.
