DAGUPAN CITY– Kasumpalan na masibeg ya palapag nen presidente Rodrigo Duterte nilirad say panlabay to na total deployment ban na saray Overseas Filipino Worker diad bansan Kuwait, napapagaan so pigaran Pinoy ya wadman nid abitln bansa anggad sayan kaplesan.
Diad ekslusibon impituyaw na Bombo Radyo Dagupan ed kinen Bombo International Correspondent Randy Cardenas, sakey ya OFW diad Kuwait, impalapag ton makapagpaga so abitlan isyu.
Inkuwanton lapud total deployment ban, ingangan met na gobyernoy Kuwait ya itunda da ni pan-renew na visa na saray Pilipinon mantratrabaho diman.
Labay toyan ibaga, no agda na-i-irenew so visa da antes iran makasempet diad Pilipinas so nayari ran naaresto na saray otoridad diad abitlan bansa lapud ipapasen iran dayuan ya anggapoy pormal ya pakapikabatan ed sikara.
No nanonotan, ingangan nen president Rodrigo Duterte so deployment ban diad Kuwait kasumpalan ya nakumpirman say bangkay na bii ya nalmo diad loob na freezer so sakey ya Pinay domestic worker ya si Joanna Demafelis.
