Papaimbestigaan nen Dagupan city mayor Brian Lim so ibabagan inpakasangkot tan pangiiter na proteksyon na pigaran opisyal na barangay ed illegal drug trade diad ciudad.
Diad ginawan district conference, akabatan ya ni sakey ya barangay diad ciudad so anggapo ni naideklaran drug free na Philippine Drug Enforcement Agency.
Imporek na mayor ya agda palampasen iray barangay officials ya maniiter na proteksyon ed saray drug personality.
No nanonotan, November 22, 2017 nen ideklara na Dagupan City Police station ya drug cleared so amin barangay diad ciudad bangbalet ag iya kinumpirma na PDEA lapud kakulangan na documentary requirements.
Nilira ed saya, ingangan na liderato na Pangasinan Police Provincial office so liderato na Dagupan PS ya tutukan so isyu na illegal ya droga diad ciudad.
