DAGUPAN CITY – Anggapoy asabian na kabiangan na National Bureau of Investigation o NBI kaiba so Department of Labor and Employment o DOLE ed gawaen da komon ya rescue operation ed saray menor de edad ya ibabagan mantatrabaho ed sakey ya Chinese national diad Brgy. Baquioen ed baley na Sual.
Immuna ed saya, akitongtong so Department of Social Welfare and Development o DSWD Region-8 diad DSWD Region 1 ya sikaray nanpasabi ed NBI Dagupan kanyan tampol iran nangawa na operasyon bangbalet anggapo so asabian dan ogogaw diad lugar.
Onong ed impormasyon, sakey ya Ariane Kong so target na NBI ta saya so ipapasen ya amo da.
Onong nid impormasyon, tampol ya pinasempet na Chinese national ya si Kong iray ogogaw nen naantaan toyan puros menor de edad iraya.
Diad kaplesan, mangagawa na inspeksyon diad lugar so NBI untan met saray empleyado ya wadman piyam nanengneng no wala ray narumog ya dokumento dray mantratrabaho ed saman ya lugar.
