Pinuri ng Pangasinan Police Provincial Office ang San Carlos Police Station sa matagumpay nitong pag-aresto sa isang miyembro ng PNP at kapatid nitong security guard na sangkot sa isang robbery holdup.
Ayon kay PCOL. Jeff E. Fanged, ang Provincial Director ng Pangasinan PPO, nakatanggap sila ng report patungkol dito at agad aniyang rumesponde ang kanilang hanay at limang oras pa umano ang kanilang ginugol bago tuluyang mahuli ang suspek.
Agad din aniyang nag-conduct ng hot pursuit operation nang kanilang ma-identify ang posibleng suspek sa pamamagitan ng mga saksi.
Narekober naman mula sa suspek ang perang nagkakahalaga ng P156,000 na pagmamay-ari ng biktimang 64 anyos na may-ari ng agri-supply bsiness sa San Carlos City.
Kalaunan ay narekober din ang get away vehicle na kanila sanang gagamitin kabilang na rito ang dalawang baril na natagpuan sa loob ng sasakyan.
Ang mga suspek ay parehong residente ng Brgy. Hacienda Bagaw, sa probinsya ng Cagayan.
