Pangasinan Governor Amado “Pogi” I. Espino III, nansamba la

Pormal lan nansamba  diad  trabaho to si Pangasinan Governor Amado “Pogi” I. Espino III, karuman Hunyo 30, 2019.

Ginawa nen Espino so inpansamba to diad Oath taking ceremony kasumpalan ya manalo  lamet diad mikaduwan termino, sa nen  apalabas ya midterm election sa nen Mayo 13.

Akabatan ya nansamba so gobernador diad arap nen Judge Corazon Natividad D. Lopez-Oro diad sakeya ya simple tan solemn ya seremonya diad Governor’s Office  ed Provincial Capitol diad baley na Lingayen kaiba so asawa tonyan si Mrs. Karina Espino legan ya say anak dan si Amado P. Espino IV so nan emben na libron  inusar ed inpansamba to.