DAGUPAN CITY– Kinompirma nen Dr. Cielo Almoite spokeperson na Provincial Health Office ya anggapoy kalangweran o saray estudyante ya nanlapud luyag na Pangasinan so naitdan na bakunan Dengvaxia.
Saya et kayarin apabalitan posibleng natamaan na mas graben sakit iray ogogaw ya naitdan na abitlan vaccine no agnira nansakit na dengue.
Inkuwanton aga akapibiang diad listahan na saray probinsyan walay atagey ya kaso na dengue so Pangasinan kanyan a ira nangawa na libreng pabakuna diad luyag.
--Ads--
No nanonotan 3-B ya kantidad na baakunan Dengvaxia so sinaliw na gobyerno parad sakey milyon ya ogogaw ya walad public school diad saray lugar ya atagey so insidente na dengue.
Nan-umpisan inter iya ed saray ogogaw sa nen Abril 2016.
