Dagupan City – Binigyang diin ng isang aspirante sa 6th District ng Pangasinan ang kahalagahan ng pagpapakalat ng tamang impormasyon at pagtutok sa sektor ng agrikultura.
Ayon kay Gilbert Estrella, Representative-aspirant ng 6th District ng Pangasinan, nakikita umano nito ang pag-usbong ng social media at epekto nito sa mga social media users, kung kaya’t isa sa pangunahing tututukan nito ay ang pagpapakalat ng tamang impormasyon.
Aniya, malaki din ang papel na ginagampanan ng mga mamamayahag sa pagbibigay ng totoong mga balita sa lipunan.
Samantala, nangako naman si Estrella na nananatili aniya ang kaniyang adhikain sa sektor ng agrikultura na palakasin pa ito na siyang layunin ng Department of Agriculture (DA) at Department of Agrarian Reform (DAR) na umuugnay sa mga adhikain nito sa lalawigan partikular sa ika anim na distrito.
Sa kabila nito, ipinaabot pa niya ang kaniyang respeto sa mga kapwa aspirants at nanindigan na hindi naman kinakailangang mag-away away para sa posisyon dahil ang dapat kalabanin ay ang kahirapan na kinakaharap.
