DAGUPAN CITY– Kontra tan agga unaaboloy si Atty. Virginia Lacsa-Suarez, Chairperson na Kilusan General Secretary tan Kaisa Ka ed say labay ya kurang na gobyerno ya manangkat lamet na belas manlapud arum ya bansa.
Diad ekslusibong impituyaw na Bombo Radyo Dagupan ed kinen Atty. Virginia Lacsa-Suarez, Chairperson na Kilusan General Secretary tan Kaisa Ka, impalapag ton say Pilipinas et sakey ya agrikultural ya bansa.
Inkuwanton maawang so taneman na pagey diad Pilipinas balet makapadismaya ya tuloy nin sansia so pan-a-angkat na belas ed arum ya bansa.
Inyarum tonin, makapaermen ya diad kaawang na tataneman na pagey, nakaokolan nin man-angkat piyan makapangan iray totoo.
Manhihinayang iya ed saray dalin ya komon walay tanem ya pagey piyan ag tila manangkat na belas.
Inyarum ni nen Suarez ya diad say panasaliw na belas diad arum ya bansa kada nakulangan na suplay et singa met la papateyen iray Pilipinon dumaralos ta nanaandian iray kabaliksan tan pinanabang lautla diad isyu na agrikultura.
