DAGUPAN CITY– Sentro na atensyon natan so sakey ya pamilya diad Lian, Batangas lapud miduma-duman itsura na gamet diad lima tan sali ya singa ra talangka tan alimango.
Animeran miyembro na pamilya Regala so mandidikitan na gamet, kabiangan dia so ama dan si Anthony, tan saray sanaagin sikara di Francis tan Francesca.
Panag-erel na alimango so panbibilayan na abitlan pamilya kanyan agla pankelawan ya nan-nginewan iya na ina da ed samay sakey ya anak da.
Manlapu ed saman anggad saray apo da so inlokon tan inyanak ya unya met la so itsura.
Diad biek na sayan kondisyon so normal nin manbibilay so pamilya Regala bangbalet agda naiwasan ya wala ray arum ya totoon manbabalaw ed sikara.
Onong ed saray eksperto, tatawegen ya ectrodactyly so kundisyon na pamilya, no iner walay kulang kulang ed gamet diad sali tan lima daranya.
