Nagbabadyang tumaas ang presyo ng mga produktong petrolyo sa susunod na linggo.
Sa pagtaya ni Department of Energy-Oil Industry Management Bureau Assistant Director Rodela Romero ang presyo ng gasolina ay posibleng tumaas ng humigit-kumulang P0.30 kada litro, diesel ng humigit-kumulang P0.80 kada litro, at kerosene ng humigit-kumulang P0.80 kada litro.
Ang mga kompanya ng langis ay karaniwang nag-aanunsiyo ng price adjustments tuwing Lunes, na kanilang ipinatutupad kinabukasan.
Noong Martes, Oktubre 21, ang presyo ng kada litro ng gasolina ay tumaas ng P0.10, habang ang sa diesel ay bumaba ng P0.70, at kerosene ng P0.60
Year-to-date, ang presyo ng gasolina ay tumaas na ng P15.30 kada litro, diesel ng P17.15 kada litro, at kerosene ng P4.65 kada litro hanggang Oktubre 21, 2025.
