DAGUPAN CITY- Mga Ka-Bombo! Mahilig ka bang maglaro ng dress-up barbie or dress me?
Mahilig ka rin bang magdisenyo ng mga bagay-bagay?
Ibahin niyo ang mga mamamayan sa Oregon dahil sculpture ang kanilang pinaglalaruan?
Ginawa kasing trend sa nasabing lugar ang paglalagay ng googly eyes sa mga sculpture doon.
Nakakatuwa at nakakatawa ang mga kinalabasan nito kaya’t patok sa mga netizens sa social media.
Ngunit ang mga opisyal naman ng nasabing lugar ay humihiling sa mga residente na itigil ang nakakatawang gawain .
Ayon sa opisyal ng lungsod, ang mga malalaking plastic na mata na nakakabit sa walong pampublikong art installation ng mga hindi kilalang prankster ay maaaring magdulot ng malaking gastos
Ang mga pandikit na ginagamit para dumikit ang mga mata ay maaari umanong magdulot ng pinsala sa coating ng mga metal na eskultura.
Dahil dito, hinihikayat ang mga residente na ipagpatuloy ang kanilang kasiyahan sa sining sa mas ligtas na paraan, nang hindi naaapektuhan ang integridad ng mga art installations sa kanilang lungsod.
