Umarangkada na ang bakunahan sa mga batang edad lima hanggang labing isang taong gulang sa Region 1 Medical Center sa lungsod ng Dagupan.
Pinilahan ng mga magulang kasama ang kani-kanilang anak ang naturang ospital para sa unang araw ng bakunahan sa pinakabatang age group.
Nagkalat din ang mga lobo sa vaccination site para maaliw ang mga bata habang naghihintay na maturukan ng Covid vaccine
Samu’t saring pakulo rin ang inihanda ng mga healthcare workers kung saan ay ilan sa kanila ang nakacostume ng mga kilalang cartoon characters upang maalis ang takot ng mga bata.
Habang hindi rin maiiwasan na ilan sa mga bata ang umiyak dahil na rin sa takot sa mga hiringgilya kaya naman nakabantay ang bawat magulang sa oras na sila ay natuturukan ng bakuna.
Ang naturang bakunahan ay may temang ‘Resbakuna Kids’ na layong mabigyang proteksyon ang mga bata sa pagbabalik ng face to face classes.
Magtatapos naman ang naturang programa sa Biyernes, February 18 2022.
