P10 million iter na Juvenile Justice Welfare Council parad pamaalagey na Bahay Pag-asa parad saray children in conflict with the law diad ciudad na Dagupan

DAGUPAN CITY- Mangiter na tulong ya P10 million so Juvenile Justice Welfare Council diad City Social Welfare Development office piyan usaren ed pamaalagey na Bahay Pag-asa diad ciudad na Dagupan.

Onong ed kinen Leah Aquino, officer in charge na City Social Welfare Development Office, wala lay immunan inter na city government ya P5 million bangbalet kulang iya kanyang awaten da so opresin tulong na abitlan opisina.

Diad kaplesan, kukumpletuen da la ray requirements piyan naala da so abitlan pondo tan nagapuan la so pamaalagey na bahay pag-asa.

No nanonotan, aawiten nid rehabilitation center diad Bawang, La Union iray ogogaw ya nankasalanan ta anggapo ni bahay pag-asa diad ciudad.