DAGUPAN CITY— Nansumpal ed ermen so maliket ya outing na sakey ya pamilya nen nalner so sakey ed say membro na pamilya legan ya manaames diad ilog ed Brgy. Matictic, Norzagaray, Bulacan.
Naibatik ni diad Norzagaray Municipal Hospital bangbalet agla inmabot ya mabilay so biktiman si Angelo De Vera, 21 anyos .
Onong ed nalan impormasyon na Bombo Radyo Dagupan linma so biktima kaiba so pamilya to diad Matictic River piyan manames.
--Ads--
Antes tonya so naninuman ni ramay lalaki diad inupaan dan cottage.
Kayari na pigaran oras so nanames diad ilog so biktima pian naandi so pakakaelew to ed inpaninom to na alak pero akakar iya ed pegley na ilog ya sengegan na impakalener to tan agla linmutang.
Nen arumog iya so andi lad bilay.
