DAGUPAN CITY– Kalna-kalna lay ibabangon tan ipapawil na operasyon na nanduruman casino diad Las Vegas, Nevada diad biek na agawan trahedyay inpamaltog ya inateyan na masolok ya 50 tan inkasugatan na masolok ya 500 ya totoo.
Saya so impalapag ni Consul General Adelio Cruz, diad Los Angeles ya ingangan ya manmonitor na sitwasyon diad Las Vegas, Nevada diad say eksklusibon impituyaw na bombo Radyo Dagupan.
Inkuwanton, lapud sakey yan ciudad no iner mambibilay ed saray turista kanyan kalkalna met lan umpapawil so operasyon na nanduruman casino.
Saya so narerengelan to anggano agto ni personal ya nakar iray casino diman.
No nanonotan, agaway mass shooting diad Mandalay Bay Resort and casino ed Las Vegas, Nevada diad kaplesan na sakey ya concert ya inateyan na 58 katao, tan inkasugatan na 527 ya katao.
