DAGUPAN CITY– Emosyunal ya inistorya diad Bombo Radyo Dagupan na sakey ya Overseas Filipino Worker o OFW ya akasempet diad bansa so aranasan to diad bansan Kuwait.
Diad eksklusibon impituyaw na Bombo Radyo Dagupan ed kinen Mrs Marites Tacotaco ya taga Alcala, inistorya tonya ya sobray inpanirap to diad Kuwait ed loob na duway bolan ya inpantrabaho to diman ta ikukulong dad loob na abong na amo to.
Mangiwgiw eya kono ed eras to ta maminsan labat iyan mangan ed loob na sakey simba.
Say istorya to nen Marites, amiduwan ginetman sinaksak na anak na say amo to ta agto labay ya katulong.
Pinasakbayan ni eya na say amo ton bii ya umanen day lupa to.
Inkuwanto, maong met so trato ed sikato na say amo ton laki tan agto antay ggagaween ya pansasakit ed sikato na say asawa to tan anak tonya.
Maong labat ya awalaaan iya na pankanaw nawan kontaken so asawa to diad Pangasinan piyan unkerew na tulong diad OWWA o Overseas Workers Welfare Administration tan diad say Public Employment Service Office o PESO Pangasinan kanyan saya so akaligtas tan mabilay ya akasempet ed pamilya to diad luyag.
