Dagupan City – Nagsagawa ng joint clean-up drive ang Department of Environment and Natural Resources (DENR)-CENRO Eastern Pangasinan at NIA-Pangasinan IMO kamakailan sa kanal ng irigasyon sa Barangay San Vicente West, Urdaneta City.
Layunin nito na maibalik ang kalinisan ng mga daluyan ng tubig upang mapabuti ang kalidad ng buhay ng mga residente, partikular na ang mga magsasaka na umaasa sa maayos na irigasyon para sa kanilang mga palayan.
Mahalaga ang pakikipagtulungan ng iba’t ibang ahensya ng pamahalaan para sa tagumpay ng proyektong ito at sa pagpapabuti ng serbisyo publiko.
Ayon sa NIA-Pangasinan IMO, patuloy silang nakatuon sa pagpapanatili ng kalinisan ng mga irrigation canal bilang bahagi ng kanilang pangako sa pangangalaga ng kapaligiran.
Naging matagumpay ang clean-up drive dahil sa sama-samang pagsisikap ng mga kalahok.
Inaasahan na magpapatuloy ang mga ganitong inisyatibo upang mapanatili ang kalinisan ng mga waterways hindi lamang sa Urdaneta City, kundi sa buong Pangasinan.
