DAGUPAN CITY– Inayunan na grupong Alliance of Concerned Transport Operators (ACTO) ya singa parte na destabilization plot kontrad administrasyon so ginawan nationwide transport strike na grupong Pinagkaisang Samahan ng Tsuper at Operator Nationwide o PISTON ya akibiangan na arum ya grupo.
Saya so pakanengneng nen Efren de Luna, president ng ACTO diad ekslusibon impiyuyaw ed sikato na Bombo Radyo Dagupan.
Inkuwanton, nayarin unlad arum ya isyu no saya so akibiangan nan saray grupo ya anggapoy pipibiang ed sektor ya ilalaban na sakey ya grupo.
--Ads--
Pankelawan ton binmana ni ginawa na grupo ya tigil pasada nen asingger la so ASEAN Summit ya gawaem diad bansa.
