Inamin ni National Security Adviser Hermogenes Esperon Jr. na may natatanggap silang impormasyon kaugnay sa pagkakaroon ng mga opisyal at miyembro ng New Peoples Army na mula rito sa lalawigan ng Pangasinan.
Ayon kay Esperon na may natatanggap silang impormasyon bagamat hindi alam ang mga pagkakakilanlan ng mga ito.
Maari din aniya na miyembro ang mga ito ng Ilocos o Cordillera Revolitionary Committee .
Nauna rito kinumpirma ng Philippine Army dito sa lalawigan ng Pangasinan na may ilang mga opisyal at miyembro ng NPA Units na nag ooperate sa mga karatig lalawigan ay mula mismo dito sa ating probinsiya.
Nagmumula ang mga ito sa mga bayan ng Natividad, San Quintin at San Carlos. Kinilala niya ang mga ito na sina Rommel Tucay, Eldrin Muñoz, Ronnie Garbida alyas “Miro” at Romulo Gallardez.
Ang pagkakaroon umano ng mga opisyal at miyembro nito ay sa kadahilanan na dito sa ating lalawigan itinatag ang Communist Party of the Philippines o CPP noong taong 1968.
Nabatid na Noong taong 2017 nang huling makapagtala ng report ukol sa pagkakaroon ng presensiya ng NPA dito sa Pangasinan.
