Naagnas na nang matagpuan ang bangkay ng isang lalaki na walang ulo sa bayan ng Dasol, Pangasinan.
Ang hindi nakikilalang biktima ay nakitang lumulutang sa baybayin sa bahagi ng Brgy. Malacapas.
Una rito, nakatanggap ng tawag ang Dasol Police Station mula sa kanilang Kapitan na isang bangkay ang natagpuan doon.
--Ads--
Agad namang nagtungo ang mga pulis upang i-verify ang ulat.
Sa inisyal na imbistigasyon ay lumalabas na isang Darwin Navida ang nangingisda sa lugar nang makita nito ang bangkay na nakasuot ng kulay berdeng shorts, wala nang pang-itaas na damit, nasa 5’4 hanggang 5’6 ang taas at tinatayang nasa edad 45 hanggang 55
Sa ngayon ay nagpapatuloy pa rin ang imbistigasyon rito ng mga otoridad upang malaman ang pagkakakilanlan ng biktima.
