Patay ang isang motorista matapos masagasaan ng bus sa barangay Maninding sa bayan ng Santa Barbara, Pangasinan.
Kinilala ang biktima na si Ronel delos Reyes, 19 anyos, isang bartender at residente ng barangay Marunong sa nasabing bayan.
Sakay ng kanyang motorsiklo ang biktima nang masagasaan ng kasalubong na bus.
--Ads--
Ayon sa pulisya, tatlong sasakyan ang tinangkang lampasan ng driber ng bus na si Ronald dela Cruz.
Pinaniniwalaang mabilis ang patakbo ng dalawang sasakyan.
Samantala, disidido ang kaanak ng biktima na sampahan ng kaso ang suspek.
