Monitoring ed firecracker related incidents, ginapuan la diad Pangasinan

DAGUPAN CITY– Impalapag nen Board member Ajerico ‘Ming’ Rosario Committee Chairman on Health na Sangguniang Panlalawigan na Pangasinan ya ginapuan da la so monitoring na firecracker-related incidents diad luyag.

Onong ed kinen Rosario, say getma na gagaween dan monitoring so napaleksab so bilang na saray biktima na paputok kada pasko lautla diad pangabet na balon taon.

Nilirad saya, binagaan nen Rosario so publiko ya uniwas ya manpaputok piyan makaiwas ed antokaman ya klase na uri ng insidente.

Inkuwanton peligroso so pangusar ed saya aliwa labat saray man-uusar pati saray indibiduwal ya unsingger.

Nanpasakbay met iya ya agga mandudokdok na saray agga sinmabog ya paputok tan tampol ya manpatambal no aksidenten asabogan.