DAGUPAN CITY-Kinompirma nen Supt. Rolifer Capoquian, chief of police na Urdaneta City Pnp ya nanduruma so modus na aray naareston miyembro na notorious ya carnapping group ya manooperate diad Eastern Pangasinan.
Diad impituyaw na Bombo Radyo Dagupan ed kinen Capoquian, impalapag ton marunong ed panagkarnap iray suspek kanyan diad loob labat na sakey bolan so unabot la ed pituran motor so atakew da.
Kaslakan ya unaatake ira no dis oras lay labi no iner samsamiten so kakaugipna saray target ya biktima.
Say arum nin “modus operandi” so pikabiangan na saray ungendan: Aray minor” ya “traffic accident” tan mankukuwanan ya abangga diad beneg.
No linmabas so driver piyan nengnengen maples so suspek ya tutukan na paltog o kutsilyo so biktima tan insan da alaen so luluganan.
No nanonotan, say apatiran narel ya totoo so ibabagan miyembro na Cavero Carnapping group ya man-ooperate diad Eastern Pangasinan partikular diad ciudad na Urdaneta no iner nala ed posisyon da so pituran tinakew ya motor ya pikabiangan na sakey ya Honda wave tan animeran honda mio.
