DAGUPAN CITY- Mga Ka-Bombo, gaano kaya kasama ang isang pangyayari para habulin ka ng isang pulis?
Maituturing kayang krimen kung ag salarin ay hindi isang tao?
Isang hindi inaasahang pangyayari ang naganap sa Alabama , nang ang isang deputy ay naglunsad ng isang masusing chase laban sa isang armadong suspek na hindi inaasahan, isang manok!
Ang Shelby County Sheriff’s Office ay nagbahagi ng nakakatuwang footage mula sa body camera ng isang deputy na nagsasagawa ng habulan laban sa “armado at mapanganib na suspek” na nagtatangkang magtago sa parking lot ng isang lokal na simbahan.
Ayon sa ulat ng pulisya, mabilis na tumugon ang mga deputy sa insidente at kinailangan nilang habulin ang manok na nagiging sanhi ng kaguluhan sa simbahan.
Hindi naging madali ang pagtugis sa”suspek” na manok, na nagtakbuhan papunta sa isang puno, ngunit hindi nagpatinag si Deputy Watkins.
Matapos ang isang masalimuot na habulan, nakuha rin niya ang manok at ibinalik ito sa kanyang kulungan, kung saan hindi na ito makakagulo pa.
