Dagupan City – Nakakatanggap ang mga magsasaka sa bayan ng Asingan ng mahahalagang suporta sa pamamagitan ng Sustainable Livelihood Program (SLP) ng Department of Social Welfare and Development (DSWD).
Kabilang dito ang tulong pinansyal para mapalakas ang produksyon ng gulay at iba pang pananim.
Nagpapakita ang inisyatibong ito ng positibong epekto sa mga benepisyaryo, na nagpapalago sa kanilang mga sakahan.
Nakakatulong din ito sa pagpapalakas ng produksyon ng mga tanim, sa kabila ng tumataas na presyo ng abono at krudo, dahil sa mga pondong inilalaan bilang puhunan.
Bilang karagdagan, pinalalawak ng LGU Asingan ang koneksyon sa merkado ng mga magsasaka upang mapabilis ang paghahatid ng kanilang mga produkto.
Sa pamamagitan ng panghikayat sa mga establisyimento at supermarket na tangkilikin ang lokal na ani, matutulungan ang mga magsasaka na magkaroon ng maayos na kita.
