Kasalukuyan nang isinasagawa ng Department of Social Welfare and Development (DSWD) Region 1 reading tutorial program sa 32 pampublikong paaralan sa Lingayen upang tulungan ang mga mag-aaral na mapaunlad ang kanilang kasanayan sa pagbabasa.
Bukod sa pagtuturo ng mga tutors at Youth Development Workers, mahalaga rin ang papel ng mga magulang at guro sa pag-unlad ng pagbabasa ng mga kabataan.
Sa ganitong paraan, mas napapalakas ang suporta sa mga kabataan upang sila ay makapagbasa nang may kumpiyansa at kasanayan.
Ang reading tutorial session sa Pangasinan ay gaganapin sa loob ng 20 araw at magtatapos sa Hulyo 12.
Layunin ng programa na mapaunlad ang kasanayan sa pagbabasa ng mga mag-aaral sa loob ng maikling panahon. Sa pagtatapos ng programa, inaasahang mas mapapalakas ang pagbabasa at pag-unawa ng mga mag-aaral.
