DAGUPAN CITY– Manisia si National Security Adviser Hermogenes Esperon Jr., ya asingger lan nasumpal so ngalngalin apat bolan lan Marawi Siege.
Saya et kasumpalan na impankumpirma ton aarmasan la na saray rebeldeng maute terror group so bihag da tan melag labat lan lugar so panaamutan da.
Impaliwawa nen Esperon diad ekslusibon impituyaw na Bombo Radyo Dagupan, ya paneknek yan daiset lay puwersa na teroristang grupo.
--Ads--
Likod ed saya, wala met lara so unsusukon miyembro na grupo diad gobyerno.
No nanonotan, makasengeg ed say inpanatake na saray ibabagan ISIS inspired terror group sa nen bolan na Mayo so inpasilong nen president Duterte ed Martial law so Mindanao.
