Itinaas na ang Yellow warning sa western Scotland, Southern England, Wales, at maging sa Northen Ireland dahil sa banta at epekto ng malakas na hangin at pag-ulan dulot ng Bagyong Bert.
Nakararanas na rin ng malawakang pagbaha sa mga ito at lalo pang lumalala dahil sa nararanasang mataas na volume ng pag-ulan.
Sa London, isinara na ang mga Royal Parks kabilang na ang Hyde Park at ang kilalang Winter Wonderland attraction dahil sa malalakas na hangin.
Itinigil na rin ang operasyon ng mga riles dahil din sa pagbaha at pagtumba ng mga puno.
Ayon sa kanilang weather bureau, umaabot sa 75mph ang pagbugso ng hangin sa mga coastal areas at 65mph naman para sa ibang lugar.
Samantala, isang labi na rin ang natagpuan ng mga kapulisan sa North Wales habang pinaghahanap nila ang isang naitalang nawawalang lalaki sa River Conway.
