Sa kulungan ang bagsak ng isang magsasaka matapos maaresto sa isinagawang Anti Illegal Drug Operation ng kapulisan sa bayan ng San Manuel, Pangasinan.
Ayon sa San Manuel PNP, nagsasagawa ng checkpoint ang ilang pulis sa Brgy. Cabaritan at ng iinspeksyunin na ang ilang mga dokumento ng driver na nakilalang si Dexter Escorpizo, 20 anyos na residente ng Brgy. Bantog sa bayan ng Asingan, nang inilabas umano nito ang kaniyang wallet upang ipakita ang kaniyang drivers license ay dito na nadisskubre ang tatlong transparent sachet na naglalaman ng hinihinalang tuyong dahon ng marijuana.
Ito ang naging hudyat ng mga kapulisan upang arestuhin ang suspek at kumpiskahin ang mga ebidensya na kalaunan ay dinala narin sa himpilan ng pulisya para sa tamang disposisyon.
Ang naturang suspek ay mahaharap sa kasong paglabag sa RA 9165 na mayroong kinalaman sa illegal na droga.
