DAGUPAN CITY– Posiblen naekal diad trabaho to so maestro ya si Florencio Bagaforo Jr. diad Pangasinan State University o PSU Bayambang lapud aarapen toyan kason inpanabuso tan extortion ed sakey ya kinse anyos ya bii.
Agla linmoob si Bagaforo diad unibersidad kasumpalan na impaway na balitan inpanabuso to ed menor de edad.
Sampot iyan anengneng diad unibersidad sa nen imbeneg ya agew ya Martes.
Onong met esd liderato na PSU Bayambang, wala lay substitute teacher ya manbangat ed saray estudyante nen Bagaforo.
Agda paulyanan ya napatunda so pan-aaral na saray estudyante lapud kason aarapen na maestro.
Natan, tuloy so pangagawa na imbestigasyon na PSU ed asalitan kaso.
No nanonotan, inreklamo na 15 anyos ya marikit so inpanabuso diad say sikato na abitlan maestro tan say pankeketang ed sikato na asaway suspek na 5,000 kasalat na agtonya pangitayak na litrato to legan ya sikato so aabusuen.
Akauna lan narel so asawa na sayan maestro diad entrapment operation na NBI.
