DAGUPAN CITY– Unsulok unkulang 200 turistan foreigner ya lugan na Luxury International Cruiship so dinmaong diad Hundred Islands National Park diad ciudad na Alaminos.
Nanlapud Hongkong so MV Star Legend antes ya dinmaong diad luyag na Pangasinan ya iilaluan ya manliber liber ni diad nanduruman parte na Asya.
Saya la so kuma pitun pankanaw nawan dinmaong so abitlan international cruiship diad luyag piyan ipasyar iray turistan lugan tonya diad Hundred Islands National Park.
--Ads--
Likod ed saray dayuan, lugan met na abitlan cruiship iray crew to ya kaslakan dia ray Pilipino.
Diad manontombok iran agew, iilaluan ya undaong iya diad Isla ng Boracay ya pil plimiron cruiship ya unla diman manlapu nen lukasan iya ed publiko nen bolan na Oktubre.
