Ipapatupad ngayong araw ang Low to no water pressure sa dalawang lugar dito sa lungsod ng Dagupan.

Ayon kay Marge Navata Spokesperson ng PAMANA Water Dagupan City, ito ay isasagawa sa barangay Lasip Grande Sentro mula ala-9 ng umaga hanggang ala 5 ng hapon at sa barangay Pantal mula ala 1 hanggang ala 5 ng hapon.

Base sa kanilang advisory, magkakaroon ng inter connection sa linya kung saan papalitan ng bago ang mga lumang linya gawa ng ginagawang kakalsadahan.
Mas minabuti umano nilang mag install ng mga bagong tubo kaysa irepair ang mga ito.

--Ads--

Sinasabayan umano ng PAMANA ang pag upgrade ng mga tubo sa mga ginagawang road improvement ng Department of Public Works and Highways (DPWH) upang hindi matabunan.

Tiniyak naman ni Navata na naglalabas sila ng advisory upang mapaghandaan ng mga residente na mag ipon ng tubig.