Hindi na umabot pa ng buhay sa pagamutan ang isang 70 anyos na lolo matapos itong mabangga habang patawid sa kalsada sa barangay Uyong, Labrador, Pangasinan.
Kinilala ang biktima na si Baltazar Castillo, na residente mula sa nabanggit na barangay habang ang driver na nakabangga rito ay nakilala namang si Albert Saura, 50 anyos at residente mula sa Brgy. Naguilayan East sa bayan ng Mangatarem.
Base sa inisyal na imbistigayson ay lumalabas na nag overtake ang driver na noon ay lulan ng isang UV Express at doon na nito nabangga nag biktima na noon ay patawid sana sa kalsada.
Resulta nito ay nagtamo ng malalang pinsala sa katawan ang biktima na nagresulta sakanyang agarang kamatayan.
Samantala matapos ang insidente, ang driver naman at ang sasakyan na sangkot sa aksidente ay agad na dinala sa Labrador Police Station para sa disposisyon.
