DAGUPAN CITY – Inatey so sakey ya lola legan ya patuloy ya oobserbaaan diad patambalan so apatiran kakaiba to kasumpalan ya tinmaob so niluganan dan baloto diad Agno River ed parte na barangay Bolaeon diad baley na Bugallon, Pangasinan.
Kinabat iray akalugan diad baloto ya sikara di Mariel Prado, 19 anyos, estudyante; Joey Prado, 30 anyos, dumaralos; Helen Prado, 50 anyos, kaiba so sanasawa ya sikara di Hernacio Aguilan, 64 anyos tan Premitiva Aguilan, 64 anyos ya parehon manaayam diad Sitio Pangapisan, Brgy. Lasip baley na Lingayen.
Umpapaway ed imbistigasyon ya akalugan diad baloto iray biktima paunlad baley na Bugallon piyan mangapas na tanem ya mais nen tinmaob so baloto lapud kasil na daluyon tan overloading.
Say apatiran biktima so agawaan dan akalangoy tan naisalba na saray Concerned Citizen bangbalet aga akaligtas si Premitiva Aguilan ya indeklaran dead on arrival na aray doktor.
Diad kaplesan, patuloy ya oobserbaan diad ospital iray akaligtas ya biktima legan ya tuloy so imbestigasyon na aray otoridad ed say agawan insidente.
