Liga ng Barangay President diad Natividad, Pangasinan, pinaltog, inatey
DAGUPAN CITY- Inatey kasumpalan ya pinapaltog so Liga ng barangay president diad baley na Natividad, Pangasinan.
Onong ed kinen senior inspector Ernie Cruz, hepe na Natividad PNP, kinabat so biktima ya si Woody Magaro, barangay chairman na barangay Burgos, Natividad.
Akabatan ya pasempet la so biktima lugan na motorsiklo nanlapud baley tan kaleganan ya paloob la diad interior ed barangay Burgos walay tinmombok ed sikaton akamotor ya laki ya akasulong na helmet tan andeket ya jacket tan biglan pinapaltog.
Akagamor so biktima na animeran kenay bala na paltog diad laman to ya sengegan na inateyan to.
Naibatik ni diad ospital balet inatey ya lam lamang.
Diad kaplesan, malet so gagaween ya imbestigasyon diad say ang motibo na impanpatey diad biktima.
Land dispute o kolkolan diad dalin so sakey ya manunaan ya nenengnengen ya motibo na inpamaltog tan inpanpatey ed say biktima.
