DAGUPAN CITY– Ipapasen na Bureau of Fisheries and Aquatic Resources o BFAR ya fish kill so agawan impatey na libo libon bangus diad baley na Sual, Pangasinan.
Onong ed kinen BFAR director Wesley Rosario, lapud dakel so inatey ya bangus kanyan nibaga ton walay agawan fish kill.
Say kaandian o kakulangan na dissolved oxygen diad abitlan lugar so makasengeg na impatey na saray siran bangus.
--Ads--
Inamin met nen Rosario ya saray baley na Sual, Anda tan Bolinao so lugar ya palanang ya naaapektuan na unyan inkagawa.
Kaleganan tonya, nikotkot metlaray inaatey ya sira piyan agla makapangiter na peligrod bilay na too ya posiblen maka-akan o makaangob ed saraya.
